2013/04/27

Un viage a Budapest



Durante cinque dies in april 2013 mi sposa e io insimul con duo amicos participava in un viage charter a Budapest in Hungaria. Le agentia de viages, ”Favoritresor”, se profila como un agentia pro viages cultural e thematic e nos habeva duo cicerones excellente: Niklas Lindblad qui labora in le Radio Svedese con programmas musical e Susanna Tar (Shushá) un guida local qui habeva studiate svedese in le universitate e habeva recipite un stipendio pro studios in Svedia. Nos volava ab Göteborg via Stockholm e le temperie in Svedia esseva frigide ma quando nos arrivava a Budapest le calor nos incontrava. Quasi toto esseva includite in le precio del viage, solmente duo cenas e un prandio nos ipse debeva arrangiar e pagar. Omne entratas tamben esseva includite.


Mercuridi le 17 de april

Nos nos eveliava a 4 horas in le matino le 17 de april e con auto nos viagiava insimul con nostre amicos al aeroporto Landvetter in Göteborg. Quando nos arrivava a Stockholm-Arlanda aeroporto nos incontrava le altere participantes, totalmente 25 personas, e nostre ciceron Niklas Lindblad. Le volata a Budapest durava 2 horas e 20 minutas.Ibi le temperatura esseva multo agradabile e nos tosto viagiava per autobus, non al hotel, ma al famose monte le Monte de Gellert. Ibi on poteva vider grande partes del citate e le fluvio Danubio que lo divideva in duo partes, Buda e Pest. Originalmente illos esseva duo citates separate ma nunc il ha al minus septe pontes que uni le citates.Post haber admirate le vistas nos recipeva prandio in le restaurante Citadella Panorama Restaurante, consistente del repasto typic hungare, suppa gulash, que esseva deliciose. In plus nos recipeva filet de gallina e al fin Petit Choux.Post isto nos viagiava con le autobus al hotel in Pest, Mercur Korona, que esseva situate multo central al placia Kalvin, solmente 600 m distante de Danubio e le Ponte de Libertate (Szabadság hid). Le hotel esseva multo moderne e munde e con refrigerator e TV in le camera. Nos viveva in le tertie etage ma il habeva plure ascensores e le traffico sur le strata non esseva audibile.

Post haber essite installate in le hotel nos camminava al placia ”Fövám ter” al bordo de Danubio insimul con nostre amicos. Nos nos sedeva in Café Anna ibi e bibeva bira durante que nos admirava alcun juvenes qui vadeva con skateboard sur le placia inclinante e essayava verter le skateboard in aere durante saltos lo que esseva successose a vices.Quando nos retornava al hotel nos reposava un hora ante que nos omnes insimul camminava al restaurante Caroli in le vicinitate. Ibi nos mangiava un bon cena e quando nos retornava al hotel a 21 horas nos esseva multo fatigate e vadeva al lecto. Como jam dicite nos nos eveliava jam a 4 horas in le matino. 


Jovedi le 18 de april 
Nos comenciava le die con un jentaculo excellente in le sala a mangiar. Io appreciava multo que io poteva mangiar yogurt ma io non poteva resister gustar salcicias, bacon e ovos miscite excepte plure sortas de pan con guarnitura.
Postea comenciava un circuito con autobus in Pest lo que es le parte al est de Danubio. Nos vadeva al longe tote le strata Andrassy con su multe magazines e edificios elegante, i.a. le Opera que nos plus tarde visitarea.
Al Placia de Heroes (Hösök Tere) edificate 1896, mille annos post le arrivata del magyares a Hungaria, nos stoppava e admirava le ”Monumento del millennio”, un multitude de statuas i.a. septe statuas equestre que rememora a Arpad e le altere capites del septe tribos original. In le centro sta un colonna que es 36 m alte con un scultptura del archangelo Gabriel qui tene le corona del rege e le cruce duple apostolic in su manos. Detra illos 14 homines de stato in un rango semicircular. Io nunquam ha vidite tante multe statuas in le mesme tempore. Secundo le legenda Gabriel se monstrava pro le prime rege Stephan (Iztvan) (975-1038) e le convinceva converter al christianitate.
Post un tassa de caffe nos continuava nostre viage con le autobus e videva i.a. le tertie grande synagoga del mundo. Illo pote haber spatio pro 3000 personas e esseva edificate in le annos 1850. Durante le occupation german in le Secunde Guerra Mundial illo jaceva in le ghetto.
Al Basilica de Sancte Stephan (Szent Iztvan) nos stoppava e entrava a in le belle edificio catholic roman con multe picturas e auro pellicular. Jam al entrate nos audiva belle canto de choro. Il esseva un choro que trainava e nos stoppava pro vider e ascoltar les. Le acustica sub le voltas enorme esseva remarcabile. Nostre guida contava que le le basilica esseva edificate al limite del aqua de Danubio quando illo esseva disbordate (1878?). Illo esseva preste in 1905. Le grande cupola ha un altitude de 96 m e secundo regulas local nulle edificio debe esser plus alte in Budapest. Le grande cupola sur le parlamento ha le mesme altitude. Le plus grande campana pesa 10 tonnas. Iste ecclesia es le singule que ha un statua de un rege (Szent Iztvan) in vice de Jesus Christo al altar.
Post isto nos stoppava al edificio del Parlamento que vermente es un belle edificio similante a un castello con multe turres. Nos non poteva entrar ma in vice nos visitava le parve Placia del
Martyres (Vértanuk tere) ubi se trova un statua del heroe del libertate  Imre Nagy, stante vidente verso le parlamento sur un parve ponte de arco. Illo esseva edificate al memoria del revolta contra Soviet in 1956. Nagy esseva prime ministro ma post le revolta infortunate ille in 1958 esseva condemnate al morto, per execution al furca, pro alte traition e interrate in un loco anonyme.
 Il es dicite que Chrustjov  esseva desolate quando le successor de Nagy, Janos Kadar refusava amnestiar le. In 1989 ille esseva rehabilitate e ille recipeva un interramento statal quando 100 000 homines participava. Io ipse multo ben rememora iste eventos historic specialmente a causa del facto que duo refugiatos hungare se inscribeva in le mesme curso in le universitate como io, le schola superior  pro veterinarios.
Durante le tour in omne directiones in Pest nos videva i.a. alcun edificios remarcabile. Le Museo de Artes Industrial (Iparművészeti Múzeum) es un edificio multicolor e un exemplo multo clar del Art Noveau e le Grande Mercato coperte (Nagy vásárcsarnok) es in le mesme stilo.
In un restaurante in le secunde etage del Mercato nos mangiava un bon buffet. Nos camminava inter le multe standes de flores, verdura e carne, plen de colores. Io tamben videva rumines de ove o vitello  lo que non es costumari in Svedia. Io comprava 4 salsicias del typo cabanosse. 
Durante le tour in omne directiones in Pest nos videva i.a. ancora alcun edificios remarcabile. Le Museo de Artes Industrial (Iparművészeti Múzeum) es un edificio multicolor e un exemplo multo clar del Art Noveau e le Grande Mercato coperte (Nagy vásárcsarnok) es in le mesme stilo.
In un restaurante in le secunde etage del Mercato nos mangiava un bon buffet. Nos camminava inter le multe stands colorose de fructos, verduras e productos de carne. Io tamben videva rumines de ove o vitello  lo que non es costumari in Svedia. Io comprava 4 salsicias del typo cabanosse. 
In le vespere, post haber mangiate cena,  nos visitava ”Le Palatio de Artes” (Palace of Arts) pro audir un concerto. Le acustica esseva formidabile in le sala de concertos. Le Orchestra Festival de Budapest es considerate como un del dece orchestras le plus bon del mundo. Le programma consisteva de concerto no 4 de Brandenburg per J.S Bach, le prime concerto pro piano e orchestra per Beethoven e le symphonia no 4 de Brahms. Solista in le concerto por piano esseva le famose romanian Radu Lupu qui pareva trovar se ben con le orchestra e le conductor Iván Fischer. Io habeva audite omne obras in avantia proque io ha discos CD con iste obras ma con altere orchestras.


Venerdi le 19 de april
Post le jentaculo nos viagiava con le autobus in le quartieros judee que esseva situate presso nostre hotel. Ante le viage io habeva legite le libro per Ingrid Carlberg, ”Det står ett rum här och väntar på dig”, (Il ha un camera hic te attendente), que describe le vita del diplomate svedese  Raoul Wallenberg qui durante le secunde guerra mundial salvava milles de judeos ab  le campos de morte del nazis. Plure stratas, placias, scholas  e altere locos in le mundo ha su nomine hodie. Quando le armea de Soviet arrivava a Budapest ille dispareva sin tracias. Ille es le secunde persona estranier post Winston Churchill qui ha essite nominate Cive honorific in SUA.
Le viage con le autobus continuava la altere latere de Danubio, a Buda, ubi nos stoppava la castello. Ancora on poteva vider orificios de ballas desde le guerra in le lateres. Il habeva multe scalas.  Ante le entrata del museo sta un statua equestre del prince  Eugène de Savoie-Carignan  qui in le battalia de Zenta in 1697 batteva  le turcos e radeva lor armea in Hungaria.
Il habeva un statua de bronzo  del compositor Zoltan Kodály (1882-1967 . Io lo photographava con mi sposa sedente presso ille.
Sur uno del multe turres del castello il habeva un sculptura de un corvo con un anulo in le becco. Io esseva curiose e in internet io poteva trovar le explication.

Un legenda narra que le general famose János Hunyadi, qui governava durante le juventute del rege Lázló V, e habeva conquirite le ottomanes in le battalia de Belgrad 1456 moriva per peste lo que tamben le juvene rege faceva. Quando on cercava un successor su filio le plus vetule, Lászlo, esseva intendite ma ille  esseva occidite per le habsburgeses. Alora su  plus juvene fratre Mátyas esseva eligite. Ille alora se trova in le corte in Praga, nam ille esseva maritate con un princessa tchec. Secundo le legenda le matre de Mátyas alora inviava un corvo con un anello in le becco con le message. 

Dunque le corvo debeva volar ab Transsilvania a Praga un multe longe distantia. Post isto le corvo con le anello in le becco es inserite in armas del stirpe. Matthias Corvinus qui governava 1458-1490 deveniva le ultime rege hungare e esseva un rege prominente e ben erudite, un rege del Renascentia.
Post haber admirate le vistas in omne directiones nos entrava a in le Museo National enorme. Il es impossibile vider toto e nos seligeva picturas hungare del 19.e 20.e seculos. Nos specialmente admirava un pictura del artista  Tihamér Margitay 1859-1933 appellate ”Jelosia” lo que on pote vider in multe paginas in internet, ma sempre con marcas de aqua pro impedir copias. Io non sapeva que il habeva tante multe bon artistas hungare. Le population de Hungaria es approximativemente equalmente grande como le population de Svedia.
Post le prandio que esseva includite in le precio del viage nos insimul con nostre amicos camminava super le Ponte de Libertate e entrava a in le Banio de Gellert. Ma a causa del belle temperie, 25 grados,  nos non esseva interessate de baniar ibi ma nos solmente comprava un drappo de banio con le texto Gellert como un souvenir.
In le vespere nos viagiava con le autobus al Opera ubi nos videva le opera Arabella per Richard Strauss. Le edificio del opera vermente esseva belle, e le exterior e le interior. Il habeva un grande terrassa in le secunde etage ubi nos stava in le interactos in belle temperie. Eva Bátori jocava le rolo de Arabella e illa cantava multo bellemente. Le rolo principal masculin esseva jocate per Tomasz Konieczny e io le amava
proque ille maestrava le lingua german melio. Secundo mi opinion Bori Keszei como Zdenka esseva le plus bon cantatrice ma le le applausos del publico esseva satis equalmente dividite e non specialmente intense. Io non comprende proque.
In bon tempore io habeva comprate le libretto pro comprender le intriga melio. On cantava in germano e le texto sur le schermo esseva in hungare, dunque incomprensibile pro me. Io tamben habeva ascoltate un registration in YouTube con Kiri te Kanawa e post iste preparationes io non habeva problemas comprender le intriga. Il esseva le prime vice que io videva iste opera in loco.
Nostre chauffeur qui diceva que illa amava hardrock esseva inviate vider le representation e ille esseva multo impressionate e intendeva ascoltar opera plus vices si possibile.

Sabbato le 20 de april
Post  le jentaculo nos viagiava con autobus a Gödöllö circa 20 km al nord est de Budapest. Ibi il habeva un castello belle que esseva edificate per 
Conte Grassalkovich e deveniva famose proque le imperatrice Elisabeth (Sissi) de Austria viveva ibi multe annos. Illa non se trovava ben in Vienna, specialmente non post le morte de su filio Rudolph Illa esseva un extrememente belle femina ma post le morte del filio illa sempre portava vestimentos nigre. Ille esseva multo popular tamben un Hungaria ma esseva assassinate per un anarchista italian in 1898.
Le belle castello esseva damnate multo durante le secunde guerra mundial e per le nazis e per le russos ma nunc illo es renovate.
Quando nos retornava a Budapest nos e nostre amicos faceva un viage con nave sur Danubio durante un hora.
Le ponte de Libertate e le Banio de Gellert 
Le temperie tote le tempore esseva belle e con cornettas acustic nos ascoltava un guida automatic que narrava del attractiones al longe le fluvio.  Le prandio que nos mangiava post le excursion esseva multo tarde. In le vespere nos mangiava cena de adeo ma regrettabilemente iste repasto non esseva equalmente bon como le previe repastos. Suppa a pisce e carne de capreolo, ma le carne esseva partialmente satis dur. Peccato.

Dominica le 21 de april 
Nos retornava a Svedia. Quando nos habeva arrivate a Budapest le primavera quasi non habeva comenciate e il habeva poc flores e verdura. Quando nos nunc retornava il esseva estate complete, multo calide e le arbores habeva comenciate devenir verde. 
Le viage durava inter 11 horas e 22.30 horas e nos esseva fatigate quando nos al fin arrivava a Varberg ubi le hiberno ancora dominava tamben si il non habeva nive.

2013/03/17

Le sage dervich


In le libro “Joieles spiritual” per le famose interlinguista Toma Macovei on pote leger, in interlingua, iste historia famose:




Clicca con le  button dextere e selige:"Aperi in un nove fenestra!" Clicca postea sur le signo jalne (un sagitta)  in supra al sinistra del nove fenestra. 
Minimisa le pagina que se aperi pro retornar a iste pagina e vider le texto de novo!
  
Le sage dervich
Un arabe habeva lassate a su tres filios como hereditage dece-septe camelos. De illos debeva le primogenite hereditar le medietate, le secunde un tertio e le plus juvene un none parte. Quando le tres filios essayava divider le hereditage, illes trovava, que le voluntate de lor patre non poteva complir se. Illes non poteva divider le dece-septe camelos ni per duo, ni per tres, e ni per novem.
Al fin illes demandava le consilio de un dervich. Ille gaudeva del occasion de poter servir qua mediator. Primo ille offereva le fratres su proprie camelo gratis. Le fratres dunque habeva dece-octo camelos, e le dervich nunc poteva facer le division sin difficultate. Le primogenite recipeva le medietate, dunque 9 camelos, le secunde un tertio, dunque 6 camelos e le plus juvene  un none parte, dunque 2 camelos. Summa 17 camelos. Le camelo restante le tres fratres con gaudio dava al dervich como recognoscentia pro su adjuta.

                        Ex Toma Macovei; Joieles spritual (un poco accurtate) 

Compra iste libro, con multe contos interessante ab Servicio de Libros (SdL)
Adresse: Joieles spiritual

2013/03/16

Le mathemathica e le quadratos de chaco

Ascolta hic


Clicca con le  button dextere e selige: Aperi in un nove "flik!"
Minimisa le pagina que se aperi pro retornar a iste pagina e vider le texto de novo!
                         

                
Le mathematica e le quadratos de chaco

In le libro “Joieles spiritual” per le famose interlinguista Toma Macovei on pote leger, in interlingua, iste historia famose:


Le ludo del chaco ha apparite in India circa le fin del 5-e seculo e ha penetrate in Europa per le intermedio del arabes.
Pro poner in evidentia le rhythmo disconcentrante de crescimento del progression geometric comparate con le plus modeste del progression arithmetic, le mathematicos se servi del narration ingeniose ligate al tabuliero de chaco:
Sheran, ancian rege de India, volente recompensar su citatano Sesa, qui veniva de inventar le ludo de chaco, le peteva dicer qual cosa ille voleva reciper como recompensa.
-Potente monarcho, diceva Sesa, io demanda que vos face placiar un grano de frumento sur le prime quadrato del tabuliero.
On presto apportava le grano demandate.
-Nunc, diceva Sesa, vole ben ordinar que on pone duo granos sur le secunde quadrato, quatro sur le tertie, etc. etc., duplicante semper le numero de granos del quadrato precedente. Mi recompensa essera le le frumento destinate a plenar le ultime quadrato de mi ludo.
Le rege, ignorante o non remarcante le consequentia de iste progression  geometric, surrideva coram un exigentia tanto meschin e pensava que Sesa esseva troppo modeste e voleva jocar. Ma le mathematicos del pais informava le rege que pro trovar le quantitate de granos necesse pro le ultime quadrato, on debeva seminar tote le superfacie  del terra, e que octo vices le tote recolta esserea necesse  pro satisfacer le avide Sesa.
Ex Toma Macovei; Joieles spritual (un poco redigite) 

Commentario:
Le numero de granos de frumento destinate al 64-e quadrato del planca del ludo se compone de facto in 20 cifras, plus que 18 trilliones pecias,  (2^64 -1 pecias) lo que corresponde a circa 1 billion tonnas. Le production de frumento in tote le mundo es circa 700 milliones tonnas cata anno.
Un grano pesa circa 65 mg. Un tonna contine circa 15 000 000 granos..
18 000 000 000 000 000 000/15 000 000/700 000 000= 1714
Dunque il durarea plus que 1700 annos ante que le desiro poterea esser effectuate.

P.f commentera isto si io ha torto!

Compra iste libro, con multe contos interessante ab Servicio de Libros (SdL)
Adresse: Joieles spiritual

2013/03/04

Duo attractiones in California



Forsan melior facer como le placa monstra  :-)
                                                  

Durante le autumno 2012 mi sposa e io faceva un viage interessante in California. Nos comenciava in San Francisco ubi nos i.a. camminava super le famose ponte de Golden Gate. Quando illo esseva edificate in 1937 illo habeva le plus longe arco de ponte suspendite del mundo, 1280 m, ma hodie il ha plus longe arcos. Tote le ponte es 2.7 km. Multe expertos credeva que il esserea impossibile edificar ist ponte enorme, tanto attendite desde multe decenas de annos, ma Joseph Baermann Strauss succedeva facer isto possible. Illo es includite in le lista ”Le septe moderne meravilias del mundo, 1994”. Le color del ponte es remarcabile e isto ha un explication extraordinari. Quando on pingeva le ponte le prime vice on como sempre usava un color anticorrosive, minio de plumbo. Quando on intendeveva pinger un secunde vice con un color opac gris, simile al color de multe altere pontes, le habitantes de San Francisco protestava. Alora le autoritates se rendeva e seligeva un color que habeva quasi le mesme color rubie que esseva minus toxic.
Strauss tamben ha designate le ponte ferrovial super Trollhätte kanal in Vänersborg ma ille ponte vermente non es grande.
Photo Wikipedia. Le cablo sub lequal le ponte pende ha un diametro de 93 cm
e consiste de plus que 27 000  filos
.

Photo Wikipedia
                                                                                                                 





Photo Gunvor Enfors
Un altere attraction de California ancora ha le record del mundo, a saper le plus grande arbore del mundo. Illo es ”Le arbore General Sherman”, situate in Sequoia National Park sur le declinationes del montes Sierra Nevada. Iste arbore es un Sequoiadendron giganteum (un parente proxime de Sequoia sempervirens, ”redwood”) e con su altitude, 84 m, illo non es le plus alte o le plus breve in le mundo, ni illo es le plus vetule arbore del mundo ma le volumine del trunco, 1487 metros cubic es un record. (Le plus grande pino in Svedia ha le volumine circa 20 metros cubic.)
Le circumferentia del trunco al solo es 31 m e le diametro maximal ibi   es 11 m. Su etate es plus que 2000 annos.
 In 2006 le plus grande ramo del arbore rumpeva e cadeva al solo e illo es plus grande que multe arbores commun. Illo esseva 30 m longe e lor diametro al base esseva plus que 2 m. Le grande arbore non esseva damnate e ha continuate crescer cata anno.
Photo: Gunvor Enfors
General Sherman esseva un del heroes del guerra civil in SUA e altere grande arbores tamben es nominate post altere generales, p.ex. General Grant, le secunde grande sequoia.
Le autor de iste notitia pote attestar que il esseva un momento solemne e contemplative star sub un tal organismo stupende, specialmente post haber legite in le jornales que le plus de iste grande arbores probabilemente risca morir.
Al fin nos tamben visitava un tertie attraction formidabile, Grand Canyon, ma illo es situate in Arizona.
                                                                                              





 


   Alcun sculpturas public in Varberg

   Några offentliga skulpturer i Varberg 

    per  Erik Enfors (factos e photos)

Gå till din blogglista
Gå till din blogglista
Iste texto es in interlingua (clicca hic) e svedese / Denna text är på interlingua (klicka här) och svenska.

Varberg es un urbe in le sud-west de Svedia 70 km al sud de Göteborg e isto es un description de su sculpturas public.

Le ordine del objectos es le mesme como durante un excursion de arte a pede, dirigite per Roland Svensson 2007-10-27, que comenciava e finiva al parcamento del porto, un distantia de circa 5 km. In plus es hic demonstrate alcun objectos ulterior que non esseva demonstrate durante le excursion e alcunos que es addite plus tarde.  Ille qui desira vider le objectos no 22-24 a pede debe preparar se pro un promenada ulterior de 2 km. Ma il es facile parcar le auto in le vicinitate de iste objectos. Al fin es hic demonstrate alcun objectos que non es situate equalmente central, a saper no 25-26 al cemeterio de Sancte Jörgen (Trädlyckevägen), lo que exige un promenada scarpate de circa 600 m, no 27 in Stenåsa, no 28 presso Östergården (Träslövsvägen), no 29 presso Le Hospital (Sjukhuset), no 30 presso Sparbankshallen e no 31-34 in le bordo al sud del citate. Il es facile parcar in le vicinitate de iste objectos (27-34).
Publicate in Varberg 2013-02-06.


Vide le mappas a basso del ultime objecto!
Parolas que es sublineate e marcate con blau/violette es ligamines cliccabile!
(Clicca sur le fenestra que se aperi alora) Clicca un vice sur le imagines pro aggrandir los. 

Turordningen är densamma som under en konstvandring, ledd av Roland Svensson 2007-10-27, som utgick från och slutade vid hamnparkeringen, en sträcka på ca 5 km. Dessutom visas här  ytterligare några objekt som inte visades på vandringen och några som tillkommit senare. Den som även vill se objekten nr 22-24 till fots får bereda sig på en promenad på ytterligare 2 km. Men det går lätt att parkera bilen nära dessa objekt. Slutligen visas här några objekt som inte ligger lika centralt nämligen nr 25-26 på  S:t Jörgens kyrkogård (Trädlyckevägen) vilket kräver ca 700 m backig promenad, nr 27 i Stenåsa, nr 28 vid Östergården (Träslövsvägen), nr 29 vid Sjukhuset, nr 30 vid Sparbankshallen samt 31-34 i södra utkanten av staden. Det är lätt att parkera nära dessa objekt (25-34).
Publicerad i Varberg 2013-02-06




Se kartorna nedanför sista objektet!
Ord som är understrukna och markerade med blå/violett färg är klickbara länkar! (Klicka på fönstret som öppnas då)   Enkelklicka på bilderna för att förstora dem.







1. Cavitate/ Hålrum (2006) 2008
bronzo patinate / patinerad brons
Eva Hild nascite / f. 1966
Sparsör

Loco /Plats: Le porto, presso Campus Plats: Hamnen, vid Campus
Le prime version, in aciero inoxydabile 2006, regretabilemente tosto esseva damnate per corrosion e esseva substituite per mediation del artista con iste nove version in bronzo patinate 2008. Le artista ha create multe altere obras simile, preferibilemente in ceramica.
Altere obras per Eva Hild

Den första versionen, i rostfritt stål 2006, blev tyvärr snart skadad av korrosion och ersattes genom konstnärens försorg med denna nya version i patinerad brons 2008. Konstnären har skapat många andra liknande verk, företrädesvis i keramik.
Andra verk av Eva Hild


2. Concha crescente / Spirande snäcka 1996placa de cupro / kopparplåt
Walter Bengtsson (1927-1998) Halmstad
Loco /Plats: Le porto, presso le edificio del doana /
Hamnen, vid tullhuset
Le spiral de placa de cupro ha previemente essite usate pro transporto de saccos inter le etages del magasin del porto.

Plåtspiralen har tidigare använts för transport av säckar mellan våningarna i hamnmagasinet
Ille tamben ha facite / Han har även gjort nr 13, 26

Altere obras/ Andra verk




 



3. Le puero con le oca de auro/ Gossen med guldgåsen 1950
bronzo/brons
Einar Luterkort (1905-1981)
Loco / Plats: Le rosario in Societetsparken/Rosengården i Societetsparken


Secundo un conto del danese H.C. Andersen/
Efter en saga av H.C. Andersen
Le narration proprie del artista re iste obra esseva:

"Un povretto qui besonia un oca de auro como un compensation modeste pro tote le caritate e calor ille manca. Que homines le contacta, ille non es le imagine de un farfaron qui desire esser vidite e reciper applauses."
Konstnärens egen berättelse om arbetet löd:
"En liten pojkstackare som behöver en guldgås som en ringa kompensation för all kärlek och värme han saknar. Låt människor söka upp honom, han är inte bilden av en storskrävlare som vill synas och få applåder."
 

4. Petras con aqua / Vattenstenar 1985
petras natural / natursten


Matti Rylander (nascite in / född i Viborg, Finland)
1936-2004
Loco / Plats: Societetsparken








5. Le statua de Gustav Ullman / Gustav Ullmanstatyn 1948
bronzo / brons
Nanna Ullman (1888-1964)
Loco/Plats: Al nord del fortalessa / Fästningens norra sida
Gustav Ullman esseva un scriptor e lyrico del provincia Halland. Gustav Ullman var en halländsk författare och lyriker.
Nanna Ullman esseva nascite in Copenhagen. Filia del "Pictor de Skagen" Viggo Johansen.

Illa esseva maritate con le fratre del autor Gustav Ullman, le pictor Sigrid Ullman (1866-1960), uno de "Le juvenes".
Illa tamben ha facite "Discussion" presso Korsvägen in Göteborg (opposite del Universeum) e no 12 "Le cavallo e le paisano"
E Nanna e Sigfrid es interrate in le cemeterio de S:t Jörgen ubi le tumba es decorate con relievos con protraites de bronze.
Nanna Ullman föddes i Köpenhamn. Dotter till Skagenmålaren Viggo Johansen. Gift med Gustav Ullmans bror Sigfrid Ullman (1866-1960), en av ”De Unga”.
Har även gjort ”Diskussion” vid Korsvägen i Göteborg (mittemot Universeum).
E Nanna e Sigfrid es interrate al cemeterio de Sancte Jörgen ubi le tumba es ornamentate con relievos de portrait a bronzo (Vide mappa)
Både Nanna och Sigfrid är begravda på S:t Jörgens kyrkogård där graven pryds av porträttreliefer i brons. (Se karta)


Vide tamben no/ Se även nr 12


  6. Commemoration del pace ante 650 annos / Ett 650-årsminne
1993

granito/granit


Harry Kivijärvi
(f. 1931 i. Finland)
Loco/Plats: Al sud del fortalessa / Söder om fästningen
Al commemoration del pace e le election del rege Håkan Magnusson (in svedese) 1343 que habeva loco in le fortalessa.

Till minnet av freden och valet av kung Håkan Magnusson 1343 som ägde rum i fästningen.


7. Le monumento de Rantzau /
Rantzaumonumentet 1938

relievo de bronzo  (copia de un vetule gravure de cupro)/
/bronsrelief (kopia av gammalt kopparstick)
Loco/Plats: Le Rocca de Rantzau al sud del fortalessa
Rantzauklippan
söder om fästningen.


Reliveo con imagine del commandante danese Daniel Rantzau 1529 - 1569, le vincitor del battalia de Axtorna 1565-10-20, qui sur iste placia esseva colpate 1569-11-11 in le ventre per un balla de canon que habeva essite discargate ab le Fortalessa de Varberg, que alora durante un curte tempore esseva conquerite per le svedeses
Inscription: ”DIVERSO TEMPORE DIVERSA FATA”,
lo que es latino pro " TEMPORES DIVERSE DESTINOS DIVERSE
Relief föreställande den danske härföraren Daniel Rantzau 1529-1569, segraren i slaget vid Axtorna 1565-10-20, som på denna plats 1569-11-11 träffades av en kanonkula i magen avfyrad från Varbergs fästning

Inscription: ”DIVERSO TEMPORE DIVERSA FATA”,
lo que es latino pro " TEMPORES DIVERSE DESTINOS DIVERSE



8. Kraka
bronzo / brons
Gustaf Nordahl (1903-1992)
Loco/Plats: Opposite de / Mitttemot Bandholtzgat. 16 (=Krabbes väg 8)
Placeringen av en kompostcontainer alldeles intill skulpturen är en skymf mot konstnären och hans verk!!

”Quando le famose viking Ragnar Lodbrok arrivava con su naves e videva Kraka ille esseva inamorate. Pro testar si illa esseva tanto sage como il esseva dicite ille la peteva venir nude ma totevia vestite, jejun ma totevia satiate, sol ma totevia non sol.
Le die sequente Kraka veniva a ille con su longe capillos e un rete de pisca como vestimentos. Illa habeva un cibolla  sur lequal illa habeva mordite e un parve can que la sequeva”

Lege re Ragnar Lodbrok in plure linguas.



”När Ragnar Lodbrok kom med sina skepp och såg Kraka blev han förälskad. För att pröva om hon var så klok som det sagts bad han henne komma naken men ändå påklädd, fastande men ändå inte fastande, ensam men ändå inte ensam.
Nästa dag kom Kraka till honom med sitt långa hår och ett fisknät som kläder. Hon hade en lök som hon har bitit i och en liten hund som följde efter henne”. 




9. In le pastura estive / I sommarhagen 1951
beton fundite / stengöt

Emil Näsvall     (1908-1965)
Loco/Plats: Krabbes väg 6-8 (detra un haga)
Krabbes väg 6-8 (bakom en häck)


Vide tamben / Se även nr 14, ”Maj”






 

10. Motivo athletic / Idrottsmotiv 1964 Bronzo / brons

Bertil Lundgren
Varberg

Loco/ Plats: Le sala sportive / Idrottshallen, Danska vägen













11. Le Cinderella / Askungen 1950
marmore blanc / vit marmor
Stig Blomberg (1901-1970)

Loco/Plats: Drottning Blankas plats
Le mesme sculptura se trova tamben i Kålltorp, Skövde e Kristianstad Finns även i Kålltorp, Skövde och Kristianstad
Iste famose sculptor ha inter multe altere obras facite Ask e Embla in Sölvesborg.

Denne berömde skulptör har bland många andra verk även gjort Ask och Embla i Sölvesborg





12. Le cavallo e le paisano / Hästen och bonden 1965
bronzo / brons


Nanna Ullman (1888-1964)

Loco: Kvarnliden (S. vägen, Opposite de / mittemot Rosenfredsskolan)

Vide tamben / Se även nr 5, ”Gustav Ullmanstatyn







13. Apollon 1996


Walter Bengtsson (1927-1998)




Loco/Plats: Snidaregat. 6 



Iste obra esseva intendite pro le communa Halmstad ma on lo refusava e illo nunc pertine a Göran Lindebergs Fastighetsförvaltning

Detta verk var avsett för Halmstads kommun men man refuserade det och det tillhör nu Göran Lindebergs Fastighetsförvaltning.



Altere obras/ Andra verk


Ille tamben ha facite no 2 e 26 /Han har även gjort nr 2 och 27.





14. Maio / Maj 1951
bronzo / brons
Emil Näsvall (1908-1965)

Loco/Plats: Foras de/ Utanför Sparbanken, presso /vid Drottninggatan





Vide tamben / Se även nr 9,






15. Juvenes baniante / Badande ungdom 1937

bronzo / brons


Bror Marklund (1907-1977)
Loco/Plats: Le fontana sur le placia / Torgfontänen




Le prime sculptura public in Varberg/ Varbergs första offentliga skulptur
Ille tamben ha facite "Thalia" in le Theatro muncipal de Malmö e le portas de bronzo, "Le Hereditage del Ancestres" in le Museo Historic, Stockholm
Han har även gjort ”Thalia” på Malmö stadsteater och bronsportarna till Historiska museet, Fädernas arv”.




16. Le joco del lucio / Gäddleken 1955 bronzo / brons

Clarence Blum (1897- 1984) nascite in / född i Liverpool


Loco/Plats: Foras / Utanför Sparbanken, presso /vid Kungsgatan
Ille tamben ha facite le belle fontana al entrata de Eastmaninstitutet in Stockholm
Han har även gjort den vackra fontänen vid Eastmaninstitutets ingång i Stockholm.











17. Findimento / Klyvning 1992
charnockite /charnockit


Roland Ohlsson
Varberg


Loco/Plats: Torggatan


Ille tamben ha facite no 31,33

Han har även gjort nr 30, 32
Facite de charnockite (Granito de Varberg) que es verdastre. Le base de Sparbankshuset tamben consiste de charnockite. (Es vidite in le fundo del imagines 15- 16)
Charnockite es le "Petra del provincia" del provinvia Halland ubi Varberg es situate.

Gjord av charnockit (Varbergsgranit) som är grönaktig. Sparbankshusets sockel är också av charnockit. (Syns i bakgrunden på bild 15 och 16) Charnockit är ”Hallands landskapssten


Extraction de petras es un labor que ha essite multo importante in tempores passate in Varberg e iste obra de arte rememora a ille periodo. Illo tamben demonstra le technica de iste labor. In le fundo il ha plure altere partes de iste obra.
Stenbrytning är ett arbete som har varit mycket viktigt förr i tiden i Varberg och dett verk påminner om den perioden. Det demonstrerar även tekniken med detta arbete. I bakgrunden finns flera andra delar av detta verk.



18. Le cyclo del vita / Livscykeln 1975
bronzo / brons



Bernhard Andersson (1898-1983)
Halmstad



Loco/Plats: Brunnsparken (Kyrkogatan)








19. Le fonte de Torell / Torellbrunnen 1970


Edvin Öhrström (1906-1994)
Halmstad
Loco/Plats: Presso / Vid Gallerian
Al memoria del geologo e explorator polar Otto Torell 1828-1900.
Vide tamben no 22 "le Puera primaveral". Öhrström qui es un del plus famose artistas de Svedia tamben ha facite le 37 m alte "Kristall, accento vertical de vitro" sur le "Placia de Sergel" in Stockholm.

Till minne av geologen och polarforskaren Otto Torell 1828-1900. Se även nr 22 ”Vårflickan”. Öhrström som är en av Sveriges mest berömda konstnärer har även gjort den 37 m höga ”Kristall, vertikal accent i glas ”på Sergels torg i Stockholm..



20. Movimento calme/Stilla rörelse Aluminium
Inger Maria Miesenberger. f. 1965 in Svalöv
Engelska parken. Omne le quatro sculpturas es visibile in le mesme tempore. Alla fyra skulpturerna syns samtiditgt.
(Le photos es facite durante saisones differente)
(Fotografierna är tagna olika årstider)


                                                                 




21. Sur le sentiero al ecclesia / På kyrkstigen 1944

Erik Nilsson (1903-1982)
Halmstad
Loco/Plats: Engelska parken















22. Musica 1994
bronzo / brons



Peter Mandl(f. 1947 i Prag)
Loco/Plats: Le parco al / Parken vid Kungsgat. 12
Vide tamben no 25 "Figura feminin"
Se även nr 25, ”Kvinnogestalt”












23. Le puera primaveral / Vårflickan 1950 bronzo / brons
Edvin Öhrström
(1906- 1994)
Loco/Plats: Le parco supra Folkets Hus (Le Casa del Populo) Parken ovanför Folkets Hus.
Vide tamben no 19, "Le fonte de Torell"
Le Se även nr 19, ”Torellbrunnen”.






24. Imbracio / Kram 1983

Lennart LinjerVarberg
Loco/Plats: Borgmästargatan 29
Le faciada lateral / Husgaveln
Le obra ha le forma de un timbro svedese con le valor 1 Kr. Le texto es: "Da Svedia 1 umbracio."
Verket har formen av ett svenskt frimärke med valören 1 Kr. Texten är: "Ge Sverige 1 KRam".












25. Matre lugente / Sörjande moder 1978
bronzo / brons
Tore Heby (f. 1933)
bronzo/brons
Loco /Plats: Le cemeterio de S:t Jörgen
(in supra presso le turre de aqua)
S:t Jörgens kyrkogård
(långt upp nära vattentornet)
Un obra multo expresseive! Ett mycket uttrycksfullt verk!








26. Figura feminin / Kvinnogestalt 1988
bronzo / brons
Peter Mandl(1947 nascite in Praha / född i Prag 1947)
Loco/Plats: Le cemeterio de S:t Jörgen ( sur le inclination verso le strata Gödestadsvägen).
S:t Jörgens kyrkogård (på sluttningen från vattentornet ner mot Gödestadsvägen)
Vide tamben no 21 "Musica" Se även nr 21, ”Musica”.








27. Le gallo/Tuppen 1996
Walter Bengtsson (1927-1998)
Loco/Plats: Egils gränd 117, Stenåsa, sur le tecto del lavatorio/ på tvättstugetaket
Pertine a / Tillhör Göran Lindebergs Fastighetsförvaltning

Altere obras/ Andra verk
Walter Bengtsson tamben ha facite no 2 e 13/Walter Bengtsson har även gjort nr 2 och 13






28. Juvene puera / Ung flicka 1968 bronzo / brons


Åke Jönsson (1921-1992)
Loco/Plats: Östergården (Träslövsvägen 8)












29. Juvene puero de Naims (Nain) / Jüngling von Naims bronzo / brons

Hanspeter Widrig nascite in 1945 in Germania / f. 1945 i Tyskland
Allude al filio del vidua de Naims (Nain) que esseva facite renascite per Jesus. Vide Evangelio de Lucas 7:11-15

Syftar på ”Änkans son i Nain” som återuppväcktes från det döda av Jesus. Se Luk. 7:11-15.
Loco/Plats: Le passage al sinistre del entrata principal del hospital/ Gången till vänster om Sjukhusets huvudentré



30. Le pisce del luna / Månfisken 1961
soldatura / svetsteknik



Lennart A-son
Loco/Plats: Le entrata de Sparbankshalllen al parcamento grande. Sparbankshallens entré vid stora parkeringen








30. Partita nigre /Svart uppbrott 2006diabas/diabase


Roland Ohlsson (f. 1944)
Varberg
Loco/Plats: Söderhöjdsgatan (strata transversal de /tvärgata till Södra vägen)
Pertine a /Tillhör Varbegs Bostads AB
Tamben diabase on ha potite taliar previemente in Varberg ma non iste petras.

Även diabas har tidigare kunnat brytas i Varberg men inte dessa stenar.
Ille tamben ha facite no/Han har även gjort nr 17, 33



32. Aves migratori/Le retorno 1992 Flyttfåglar/Återkomsten 1992 aciero inoxydabile/rostfritt stål


Rune Malmströmnascite / f. 1929)
Torestorp



Loco/Plats: Apelvikshöjd,  Ranelidsgat. 13
Pertine a/Tillhör Varbergs Bostads AB
Ille tamben ha facite no/ Han har även gjort nr 33







33. Le unda/Vågen
Roland Ohlsson (f. 1944)
petras/stenar

e/och

Rune Malmström

aciero inoxydabile/rostfritt stål



Loco/Plats: Rullstensbacken 1-3
Pertine a /Tillhör Varbergs Bostads AB
Inspirate per le poema "Le Unda" per Ture Isaksson
Inspirerad av dikten "Vågen" av Ture Isaksson. Malmström tamben ha facite no 32 Malmström har även gjort nr 32. Olsson tamben ha facite no 17 e 31
Olsson har även gjort nr 17 och 31






34. Epochas/Tidsåldrar 2009

Pia Hedström
f. 1960
Breareds torg, acquisitor/beställare Statens Konstråd/Varbergs kommun 2009
Illa tamben ha facite le objecto plen de colores brillante
Rymdconfetti (Confetti de spatio cosmic) in Dämmeplatsen, presso Ullevi in Göteborg.
Har även gjort det färgsprakande objektet ”Rymdconfetti” på Dämmeplatsen vid Ullevi i Göteborg. Rymdkonfetti







Mappas / Kartor












Ullmans gravreliefer/ Le relievos del tumba de Ullman